By: Guest OFW
    Nagpunta ako ng UAE taong 2005 para maghanap nang trabaho, lingid sa kaalaman ko hindi na pala ganun kadali maghanap ng trabaho sa mga oras na yun dahil sa dami na ng mga visit visa na naghahanap ng trabaho Pilipino at iba't ibang lahi marami namang part time job at mura palang ang visit visa at hindi pa sila mahigpit nuon kahit anong mga trabaho ang pinasok ko sobrang dami nagpalipat lipat ako ng trabaho dahil sa mga mapag samantalang employer.
    Unang pinasukan kong kumpanya bivisahan na sana ako ngunit hindi ako nagpatali sa kanila dahil bandang huli nagbago ang offer, ang haba ng oras ng trabaho at walang day off kaya ng mag exit ako hindi nako bumalik sa kanila at baka magsisi lang ako bandang huli kaya nagdecide ako na maghanap nalang ng ibang kumpanya, isang buwan akong puro part time pagkatapos nun nakahanap ako ng trabaho hindi parin naman ganun kalaki ang sahod pero sapat na para makapag ipon at dalawang araw ang day off 10hrs ang duty.
    Nang natapos ang isang buwan patapos na ang visa ko sabi ng kumpanya ko labas muna ako ng Dubai at papadalhan ako ng visa, lumabas ako ng Dubai lumipas ang isang linggo, dalawang linggo tatlong linggo wala paring visa pinapadala sakin ang kumpanya ubos na ang pera ko sa laki ng gastos sa exit point buti nalang meron akong kamag anak sa Dubai bumili sila ng visit visa para sakin para makabalik ng Dubai nakabalik nga ako at muling naghanap ng trabaho, habang walang kumpanya ang gustong kumuha sakin tuloy tuloy naman ang part time ko sapat na para matustusan na ang pangangailangan ko at makapag tabi nang kaunti kahit puro part time nakabili parin ako ng visit visa at madugtungan ulit ng dalawang buwan ang pananatili ko sa Dubai pagkabalik ko ng Dubai may nahanap akong trabaho sa Abu Dhabi isang kumpanya na kung saan mag uumpisa palang akala ko mapalad na kami ng mga kasama ko sa trabaho dahil mag uumpisa palang ang kumpanyang napasukan namin subalit pagkalipas ng dalawang buwan lumabas na naman ako ng Dubai pero nakabalik parin naman ako at sa parehong kumpanya parin naman ako pumapasok nakalipas ulit ang isang buwan hindi na kami mapakali at hindi na matapos tapos ang employment visa namin yun pala nagka problema ang kumpanya at hindi na matutuloy na magbukas nanlulumo kami ng mga kasamahan ko lalo't malapit na naman matapos ang visa namin at ang masaklap pa hindi na kami pinasahod sa isang buwan na pagtratrabaho namin sa kanila kaya hindi ko na alam ang gagawin ko sa mga panahon na yun pasalamat parin ako at meron akong mga kamag anak na mababait at tinulungan na naman nila akong makakuha ng visit visa.
    Nagpatuloy ang ganung sitwasyon mahigit nakong isang taon sa Dubai pero hindi parin ako nakakahanap ng magandang trabaho ang dami dami ko nang kumpanyang pinasukan pero tila yata wala akong swerte sa mga kumpanyang kumukuha sakin, punong puno na ang passport ko ng tatak sa ibat ibang exit point.
    Taong 2007 nang makahanap ako ng kumpanya na nagbigay sakin ng employment maliit ang sahod pero meron naman akong kumisyon, tiniis ko ang hirap sa trabaho kong ito dahil mapag samantala rin ang amo ko pero hindi ako nagpa apekto sa kanya dahil sapat narin ang kinikita ko nakapag umpisa ako makapag ipon dahil sa sipag at tyaga ko sa trabaho malaki ang kumisyon na nakukuha ko sa kumpanya kaya nakapag ipon ako nang kaunti nagtiis ako hanggang matapos ko ang tatlong taon na kontrata, inaasahan ko na may makukuha ako sa kumpanya subalit binigyan nila ako ng problema pinalabas nila na may nagawa akong kasalana sa kumpanya at pinapili nila ako na maghahabol ba ako sa Graduity ko o irereport nila sa pulis na nagnakaw ako sa kanila kaya sa takot ko na baka hindi ako makauwi nang Pinas tinanggap ko nalang ang alok nila, binigay ang huling sahod ko at tiket ko pauwi.
    Sa isang buwan na palugit sakin bago umuwi naghanap hanap ako nang trabaho at sa awa ng diyos pinalad naman ako, umuwi ako nang Pilipinas at duon pinadala ng bago kong kumpanya ang visit visa na sponsor nila at sinagot narin nila ang pamasahe ko pabalik, ngayon meron nakong magandang trabaho nakakaipon na para pagbalik sa pinas matapos narin ang pagtitiis na mawalay sa aking pamilya.
 
 
By: Guest OFW
    Taong 2004 nung una ko narinig ang Dubai, maraming mga kakilala ko ang nagpupunta dito at pagbalik nila ng pinas marami silang dalang pera, kasunod panun lumabas ang pelikulang Dubai maganda at makikita mong marangya ang buhay ng mga karakter sa pelikulang ito. Parami ng parami ang nagpupunta ng Dubai gamit visit visa karamihan ng mga nagpupunta ay pinalad meron naman sigurong manaka nakang hindi naka pagtagal o hindi pinalad na umuwi sa Pilipinas.
    Taong 2006 sinubukan kong pumunta ng Dubai, Visit Visa din ang gamit sa airport palang pahirapan na marami ang hindi pinapalusot o hinihingan muna ng lagay para makaalis, bakit kailangan nilang pigilan ang isang taong kumpleto ang papeles na lumabas ng Pilipinas?
    Pag dating ng Dubai hindi tulad ng inaasahan ko paglabas ng airport para kang sinisilaban sa init, kinabukasan umpisa na ang paghahanap ng trabaho at hindi na naman kagaya ng aking inaasahan ang dami dami kong pinuntahang opisina, nagpadala ng applikasyon, sa fax sa email pero wala paring tawag na natatanggap na tawag at kung meron mang tawag at interview bibigyan ka ng mababang sahod. Sa dami na ng visit visa ng taon nayan marami narin ang kumpanyang nagsasamantala ng mga visa marami na ang Pilipinong ginagamit ang visa, napipilitang tumanggap ng mababang sahod at ang masaklap pa marami narin ang mga Pilipinong visit visa ang naloloko ng mga recruiter bagamat ganun ang nangyayari marami parin ang pilipinong nagbabakasakali na makahanap ng trabaho sa dubai.
    Kahit ganun ang nangyayari marami parin ang Pilipinong nakasurvive at nakahanap ng trabaho dito sa Dubai, merong maganda at meron ding tama lang ang kita para lang magtagal dito sa Dubai para hindi umuwi ng Pinas.
    Taong 2008 nag umpisa ang crisis sa buong mundo, nag umpisa rin ang kalbaryo ng maraming OFW dahil maraming OFW ang nawalan ng trabaho, dito sa Dubai naghigpit pa sila sa mga Turista, 1 month visa 1 month exit na lalong nagpahirap sa mga buhay ng visit visa dito nag umpisa ang mga istranded sa mga exit point tulad ng Kish Island, Oman o Qeshm. Marami na ang pinoy na nadeport kasi wala ng pambayad sa hotel, pangkain, o pera dahil hindi na sila kinuha ng mga employer na nangako sa kanila ng trabaho, dahil ang iba ay talagang wala naring pera na pangtustos dahil sa laki ng gastos. nagtuloy tuloy ang ganitong sitwasyon sa mga visit visa ng ngunit meron paring mga kababayan natin ang nagpupunta ng Dubai para maghanap ng trabaho kahit alam na nilang kaunti nalang ang tyansa nilang makahanap ng magandang trabaho dahil marami ang mga nagsarado o nagbawas ng tao na kumpanya dito sa dubai dahil sa pandaigdigang krisis at dahil sa igsi ng oras ng visit visa sa ngayon.
    Kung ikaw ay nagbabalak magpunta ng Dubai at Visit visa ang gamit mo, dapat handa ka. Try this check list para mas malaki ang chance mo makasurvive dito.
  • Dapat marami kang baon na kaalaman professional man o technical.
  • Dapat may kakilala kang masasandalan, matutuluyan, at hindi ka pababayaan.
  • Dapat sapat ang perang dala mo hanggang sa susunod na visit visa mo lalo na kung ang kakilala mo dito ay hindi mo kapatid o kamag anak at dahil dito lahat ay binibili.
  • Dapat matiyaga kang maghanap ng trabaho, kayang maglakad sa ilalim ng maiinit (TALAGANG MAINIT) na araw kung sa summer ka matatapat na pumunta.
  • Dapat hindi ka madaling masindak. Ito ay para sa Pinas  bago ka makalabas ng bansa at kung nasindak ka dapat meron kang nakahanda para sa kanila.
  • Dapat sanay kanang mag isa, bagamat marami ang Pilipino dito iba parin ang malayo sa pamilya mo.
  • Dapat maging matyaga sa trabaho at marunong makisama sa ibang tao..
Sa tingin ko kung meron nayan sa mga baon mo handa ka nang magvisit visa dito at kaya mo ng makasurvive
 
 
By: Guest OFW
    Nag umpisang mag abroad ang Mama ko ng ako ay 5 taong gulang pa lamang, balewala palang sakin nuon hindi ko pa alam na lalayo sya sa amin at hindi ko namin sya makakasama ng matagal, hindi ko alintana ang pagkawala nya masaya ako dahil marami ako natatanggap na laruan.
    Makalipas ang dalawang taon umuwi ang mama ko samin hindi ko na sya kilala kinukuha nya ako sumasama naman ako pero may kasamang alinlangan at hindi ako nagtatagal sa kanya, masaya na naman ako nung dumating sya kasi maraming pasalubong, chocolate, de lata, laruan, damit at sapatos, masaya ako dahil dun hindi dahil dumating ang mama ko.
    Habang nagtatagal ang mama ko sa bakasyon nya napapalapit na naman ang loob ko sa kanya pero hindi ko alam malapit na naman syang umalis dahil matatapos na ang dalawang buwan na bakasyon nya duon ko naramdaman ang pangungulila sa isang ina pag alis ng mama ko hindi ko alam nagising ako sa gabi na wala na sya sa tabi ko ako ay lumabas ng bahay hinahanap ang mama ko sa kalagitnahan ng gabi naglakad lakad ako para hanapin ang mama ko hanggang makarating ako sa bahay ng Auntie ko ang kinikilala kong nanay na syang nag aaruga sakin pagnasa trabaho ang papa ko.
    Paulit ulit ang ganung pangyayari uuwi sya pagkalipas ng 2 taon tapos aalis ulit sya pagkatapos ng 2 buwan pero hindi parin ako nasasanay nalulungkot parin ako sa pag alis nya, nangungulila sa kalinga ng isang ina, iniisip ko nuon na buti pa ang anak ng amo nya naaalagaan nya salamantalang kami hindi nya kami maalagaan, mahirap lumaki ng wala ang pagaaruga ng isang ina hindi ko alam ipaliwanag kung bakit pero napakahirap kaya bata palang ako pinangako ko na sa sarili ko na hinding hindi ako magtratrabaho Abroad pero eto ako ngayon nagtratrabaho sa ibang bansa pero hindi katulad ng sakin nuon kasama ko ang asawa ko abroad pero ang anak namin ay naiwan sa pilipinas gusto kong kunin ang anak namin pero hindi sapat ang kita namin para tustusan sya rito naiisip ko tuloy kung ano ang naramdaman ko nuon, natatakot narin ako na baka malayo ang loob ng anak namin samin.             Ngayon ko nauunawaan ang mama ko kung bakit kailangan nyang lumayo at pinili nyang iwanan nya kami, namas pinili nyang magsakripisyong mawalay samin, namas piniling alagaan ang anak ng iba at ngayon alam ko na kung bakit kahit maraming mga OFW ang hindi pinapalad at naaabuso marami parin ang nakikipagsapalaran at nagtitiis.
    Yun ay dahil sa pagmamahal natin sa ating pamilya na kahit na anong hirap at bigat ng sakripisyo natin kaya nating tiisin.